தம்பேத்தென்ன கெல்பன் பகுதியில் மண்சரிவு

சுரேஷ்ராஜரத்தினம்

  ஹப்புத்தளைப் பகுதியில் பெய்த கடும் மழை காரணமாக, ஹப்புத்தளை நகரின் சில இடங்களில் வெள்ளநீர் தேங்கியுள்ளதால் மக்களின் அன்றாட இயல்பு வாழ்க்கை பாதிக்கப்பட்டுள்ளது.

அதேவேளை, ஹப்புத்தளை – தம்பேத்தென்ன வீதியின் கெல்பன் பகுதியில், இரண்டாவது கிலோமீற்றர் மைல்கல் அருகே மண்மேடு சரிந்து வீழ்ந்துள்ளதால், அவ்வீதியூடான வாகனப் போக்குவரத்துக்கும் இடையூறு ஏற்பட்டுள்ளது. மேலும், மாலை மற்றும் அதிகாலை நேரங்களில் பனிமூட்டம் அதிகமாகக் காணப்படுவதால், வீதிகளில் பயணிக்கும் சாரதிகள் மிகுந்த அவதானத்துடன் வாகனங்களைச் செலுத்துமாறு கேட்டுக்கொள்ளப்படுகின்றனர்.

குறிப்பாக, மண்சரிவு ஏற்பட்டுள்ள வீதிப் பகுதியைக் கடந்து செல்லும்போது அவதானமாகச் செயற்படுவதுடன், சீரற்ற காலநிலையைக் கருத்திற்கொண்டு பாதுகாப்பான பயணத்தை மேற்கொள்ளுமாறும் அறிவுறுத்தப்படுகின்றனர்