“பொருளாதாரச் சிக்கன நடவடிக்கைகளைக் கைவிடு, உழைப்புக்கேற்ற ஊதியம் கொடு” என்ற முழக்கத்தோடு SNCF (பிரான்ஸ் தேசிய தொடருந்து நிறுவனம்) ஊழியர்கள் நாளை ஒட்டுமொத்த வேலைநிறுத்தத்தில் குதிக்கின்றனர்.
TGV Inoui அதிவேகத் தொடருந்துகள் வழக்கம் போல் இயங்கும் என அறிவிக்கப்பட்டாலும், பிராந்தியத் தொடருந்துகளான TER சேவைகள் பலத்த அடியைச் சந்திக்கவுள்ளன.
ஓவர்ன்-ரோன்-ஆல்ப்ஸ், பிரிட்டனி, சென்டர்-வால் டி லவார், நௌவல்-அக்விடைன் மற்றும் ஒக்சித்தானி உள்ளிட்ட பல மாகாணங்களில் போக்குவரத்துப் பெருமளவு முடங்கும் என அறிவிக்கப்பட்டுள்ளது. அரசு அறிவித்த சம்பள உயர்வு வெறும் கண்துடைப்பு எனத் தொழிற்சங்கங்கள் கொந்தளித்துள்ளன.




