பிரதமர் ஹரினி அமரசூரிய, அமைச்சர் விஜித ஹேரத்துக்கு பரிசாக தபால் முத்திரைகள் கையளிப்பு
150 ஆவது உலக தபால் தினத்தை முன்னிட்டு பிரதமர் ஹரினி அமரசூரிய மற்றும் அமைச்சர் விஜித ஹேரத் ஆகியோருக்கு அவர்களின் புகைப்படங்கள் அடங்கிய விசேட தபால் முத்திரைகள் கையளிக்கப்பட்டதாகத் தபால் திணைக்களம் தெரிவித்துள்ளது.
உலக தபால் தினத்தை முன்னிட்டு நேற்று (09) நடை பெற்ற விசேட நிகழ்விற்கு பிரதமர் ஹரினி அமரசூரிய மற்றும் அமைச்சர் விஜித ஹேரத் ஆகியோர் பிரதம விருந்தினர்களாகக் கலந்து கொண்ட போதே பரிசாக இந்த தபால் முத்திரைகள் கையளிக்கப்பட்டது.
பிரதமர் ஹரினி அமரசூரிய மற்றும் அமைச்சர் விஜித ஹேரத் ஆகியோருக்கு பரிசாக வழங்கப்பட்ட இந்த தபால் முத்திரைகள் உத்தியோகப்பூர்வமானது இல்லை எனவும் இதனைத் தபால் சேவைகளுக்குப் பயன்படுத்த முடியாது எனவும் தபால் திணைக்களம் தெரிவித்துள்ளது.
பொதுமக்களும் தங்களது தனிப்பட்ட புகைப்படங்களைப் பயன்படுத்தி இவ்வாறான தபால் முத்திரைகளை உருவாக்க முடியும் எனவும் ஆனால் அவற்றைத் தபால் சேவைகளுக்குப் பயன்படுத்த முடியாது எனவும் தபால் திணைக்களம் மேலும் தெரிவித்துள்ளது.