கெக்கிராவையில் காட்டு யானையின் சடலம் மீட்பு
கெக்கிராவ, பெல்லங்கடவல பிரதேசத்தில் நேற்று வெள்ளிக்கிழமை (27) காட்டு யானை ஒன்று சடலமாக மீட்கப்பட்டுள்ளதாக கனேவல்பொல வனஜீவராசிகள் பாதுகாப்பு திணைக்கள அதிகாரிகள் தெரிவித்துள்ளனர்.
கனேவல்பொல வனஜீவராசிகள் பாதுகாப்பு திணைக்கள அதிகாரிகளுக்கு கிடைத்த தகவலின் அடிப்படையில் மேற்கொள்ளப்பட்ட சோதனையில் யானையின் சடலம் கண்டுபிடிக்கப்பட்டுள்ளது.
இந்த காட்டுயானை துப்பாக்கிச் சூட்டுக்கு இலக்காகி உயிரிழந்திருக்கலாம் என அதிகாரிகள் சந்தேகிக்கின்றனர்.
25 - 30 வயது மதிக்கத்தக்க காட்டுயானையே உயிரிழந்துள்ளது.
இந்த காட்டுயானையின் கழுத்தில் ஜி.பி.எஸ் தொழில்நுட்பம் பொருத்தப்பட்ட கயிறு ஒன்று காணப்பட்டதாக அதிகாரிகள் தெரிவித்துள்ளனர்.
காட்டுயானையின் சடலத்தை பிரேத பரிசோதனை செய்ய ஏற்பாடுகள் செய்யப்பட்டுள்ளதாக கனேவல்பொல வனஜீவராசிகள் பாதுகாப்பு திணைக்கள அதிகாரிகள் மேலும் தெரிவித்துள்ளனர்.