புதையல் தோண்டிய தேரர் உட்பட 9 பேர் கைது !
வெயாங்கொடை பொலிஸ் பிரிவுக்கு உட்பட்ட வந்துரவ பிரதேசத்தில் புதையல் தோண்டியதாக கூறப்படும் தேரர் உட்பட 9 பேர் கைது செய்யப்பட்டுள்ளதாக வெயாங்கொடை பொலிஸார் தெரிவித்தனர்.
வெயாங்கொடை பொலிஸாருக்கு கிடைத்த தகவலின் அடிப்படையில் மேற்கொள்ளப்பட்ட சுற்றிவளைப்பில் சந்தேக நபர்கள் கைது செய்யப்பட்டுள்ளனர்.
கைது செய்யப்பட்ட சந்தேக நபரான தேரர் வெயாங்கொடை பிரதேசத்தில் உள்ள விகாரை ஒன்றில் வசிப்பவர் என பொலிஸார் தெரிவித்தனர்.
ஏனைய சந்தேக நபர்கள் ஆனமடுவ, சூரியவெவ, எம்பிலிப்பிட்டிய, மினுவாங்கொடை மற்றும் வெயாங்கொடை ஆகிய பிரதேசங்களை சேர்ந்தவர்கள் ஆவர்.
இது தொடர்பான மேலதிக விசாரணைகளை வெயாங்கொடை பொலிஸார் மேற்கொண்டு வருகின்றனர்.