பாதாள உலக கும்பலின் தலைவர் கணேமுல்ல சஞ்சீவவின் சிறை கூண்டிலிருந்து தொலைபேசி கண்டுபிடிப்பு!
பூசா சிறைச்சாலையில் தடுத்து வைக்கப்பட்டுள்ள பாதாள உலக கும்பலின் தலைவரான கணேமுல்ல சஞ்சீவவின் சிறை கூண்டிலிருந்து தொலைபேசி ஒன்று கைப்பற்றப்பட்டுள்ளதாக பொலிஸ் விசேட அதிரடிப்படையினர் தெரிவித்தனர்.
பொலிஸ் விசேட அதிரடிப்படையினருக்குக் கிடைத்த தகவலின் பேரில் பூசா சிறைச்சாலையில் மேற்கொள்ளப்பட்ட சுற்றிவளைப்பில் சிறை கூண்டிற்குள் மிகவும் சூட்சுமமான முறையில் மறைத்து வைக்கப்பட்டிருந்த சிம் அட்டையுடன் கூடிய தொலைபேசி ஒன்று கைப்பற்றப்பட்டுள்ளது.
கைப்பற்றப்பட்ட தொலைபேசி மேலதிக விசாரணைகளுக்காக பொலிஸ் விசேட அதிரடிப்படையினரின் பாதுகாப்பில் வைக்கப்பட்டுள்ளது.