நாட்டின் வெவ்வேறு பகுதிகளில் ஹெரோயின் போதைப்பொருளுடன் மூவர் கைது !
நாட்டின் வெவ்வேறு பகுதிகளில் ஹெரோயின் போதைப்பொருளுடன் மூன்று சந்தேக நபர்கள் நேற்று திங்கட்கிழமை (16) கைது செய்யப்பட்டுள்ளதாக பொலிஸார் தெரிவித்துள்ளனர்.
பொலிஸாருக்கு கிடைத்த தகவலின் பேரில் மேற்கொள்ளப்பட்ட சுற்றிவளைப்பில் சந்தேக நபர்கள் கைது செய்யப்பட்டுள்ளனர்.
அதன்படி,புலத்சிங்கள பகுதியில் 05 கிராம் 470 கிலோ கிராம் ஹெரோயின் போதைப்பொருளுடன் சந்தேக நபரொருவர் கைது செய்யப்பட்டுள்ளார். புலத்சிங்கள பகுதியைச் சேர்ந்த 34 வயதுடையவரே கைது செய்யப்பட்டுள்ளார்.
இந்நிலையில், கம்பஹா பகுதியில் 05 கிராம் 270 மில்லி கிராம் ஹெரோயின் போதைப்பொருளுடன் பெண் ஒருவர் கைது செய்யப்பட்டுள்ளார். கம்பஹா பகுதியைச் சேர்ந்த 47 வயதுடைய பெண்ணே இவ்வாறு கைது செய்யப்பட்டுள்ளார்.
இதேவேளை, பேருவளை - கரந்தகொடை பகுதியில் 258 கிராம் 960 மில்லிகிராம் ஹெரோயின் போதைப்பொருளுடன் சந்தேக நபரொருவர் கைது செய்யப்பட்டுள்ளார்.
பேருவளை பகுதியைச் சேர்ந்த 50 வயதுடைய நபரொருவரே கைது செய்யப்பட்டுள்ளார்.
இது தொடர்பான மேலதிக விசாரணைகளை பொலிஸார் மேற்கொண்டு வருகின்றனர்.