4 கிலோ நிறையுடைய அம்பருடன் ஹம்பாந்தோட்டையில் இருவர் கைது!
அம்பாந்தோட்டை பகுதியில் பல கோடி ரூபாய் பெறுமதியான 4 கிலோ 10 கிராம் எடை கொண்ட அம்பர் (திமிங்கலத்தின் வாந்தி) உடன் இரண்டு சந்தேக நபர்கள் கைது செய்யப்பட்டுள்ளதாக அம்பாந்தோட்டை பொலிஸார் தெரிவித்தனர்.
சந்தேக நபர்கள் இருவரும் மாத்தறை கந்தர மற்றும் நகுலுகமுவ கலகம பிரதேசத்தை சேர்ந்த 45 ,34 வயதுடையவர்கள் என பொலிஸார் மேலும் தெரிவித்தனர்.
இவர்களில் ஒருவர் மீனவர் எனவும் மற்றையவர் புகைப்பட கலைஞர் எனவும் தெரியவந்துள்ளது.
கைதுசெய்யப்பட்ட இருவரும் இன்று ஞாயிற்றுக்கிழமை (15) அம்பாந்தோட்டை நீதவான் நீதிமன்றில் ஆஜர்ப்படுத்தப்படவுள்ளனர்.