ஜனாதிபதி தேர்தலில் களமிறங்க தயாராகும் சரத் பொன்சேகா
நாடாளுமன்ற உறுப்பினரும் முன்னாள் இராணுவத் தளபதியுமான பீல்ட் மார்ஷல் சரத் பொன்சேகா (sarath fonseka) எதிர்வரும் ஜனாதிபதித் தேர்தலில் போட்டியிட தீர்மானித்துள்ளதாக பத்திரிக்கை ஊடகம் ஒன்று செய்தி வெளியிட்டுள்ளது.
இதன்படி எதிர்வரும் ஜூன் மாதம் பொன்சேகா இது தொடர்பான உத்தியோகபூர்வ அறிவிப்பை வெளியிடுவார் எனவும் அவர் சுயேட்சை வேட்பாளராக போட்டியிட உள்ளதாகவும் தெரிவிக்கப்பட்டுள்ளது.
ஐக்கிய மக்கள் சக்தி
இந்நிலையில் ஐக்கிய மக்கள் சக்தியின் உறுப்பினர்கள் சிலர் அவருக்கு ஆதரவாக இருப்பதாகவும், மேலும் பல அரசியல் கட்சிகளின் அரசியல்வாதிகளுடன் பேச்சுவர்த்தை நடத்தவுள்ளார் என்றும் கூறப்படுகிறது.
மேலும், கொழும்பிலுள்ள வெளிநாட்டு இராஜதந்திரிகள் குழுவுடன் பொன்சேகா இது குறித்து உத்தியோகபூர்வமற்ற மட்டத்தில் கலந்துரையாடி விளக்கமளித்துள்ளதாகவும் அந்த அறிக்கையில் தெரிவிக்கப்பட்டுள்ளது.