தமிழ் அரசு ஸ்தாபகரின் 127ஆவது ஜனனதினம்; தந்தைசெல்வா நினைவிடத்தில் ரவிகரன் எம்.பி அஞ்சலி
விஜயரத்தினம் சரவணன்
தந்தை செல்வா என அறியப்படும், இலங்கைத் தமிழ் அரசுக்கட்சியின் ஸ்தாபகத் தலைவர் சாமுவேல் ஜேம்ஸ் வேலுப்பிள்ளை செல்வநாயகம் அவர்களின் 127ஆவது ஜனனதினம் 31.03.2025இன்று பல்வேறு இடங்களிலும் நினைவுகூரப்படுகின்றது.
இந் நிலையில் இலங்கைத் தமிழ் அரசுக்கட்சியின் வன்னிமாவட்ட நாடாளுமன்ற உறுப்பினரும், இலங்கைத் தமிழ் அரசுக்கட்சியின் முல்லைத்தீவு மாவட்ட செயலாளருமான துரைராசா ரவிகரன் அவர்கள் தமிழ் அரசுக்கட்சியின் ஸ்தாபகத் தலைவர் தந்தை செல்வா அவர்களுக்கு யாழ்ப்பாணத்தில் அமைந்துள்ள தந்தை செல்வா நினைவிடத்தில் மலர்தூவி அஞ்சலிகளை மேற்கொண்டார்.
குறித்த அஞ்சலியில் நாடாளுமன்ற உறுப்பினர் துரைராசா ரவிகரன் அவர்களுடன், இலங்கைத் தமிழ் அரசுக்கட்சியின் முல்லைத்தீவு மாவட்ட பிரதிநிதிகள் சிலரும் கலந்துகொண்டிருந்தமை குறிப்பிடத்தக்கது.